முட்டாள் வண்ணத்துப்பூச்சி

 முட்டாள் வண்ணத்துப்பூச்சி

                                                       -கோ.பிரதீபா

காற்றோடு மோதிக் கொண்டிருந்த வெள்ளைத் துணி ஒன்றில் 

இளைப்பாறுவதற்கு அமர்ந்த வண்ணத்துப்பூச்சி ஒன்று

 தன் சாயங்களை விட்டுச் சென்றது, 

பார்ப்பவர்களுக்கு முட்டாளாய் தென்பட்டாலும் ,

அந்த வண்ணத்துப்பூச்சிக்குக் கூட தெரிந்திருக்கிறது 

அந்த கைம்பெண்ணின்

வெள்ளைச் சீலையும் வண்ணங்களுக்காக ஏங்குகிறது என்று !